Syril volleyballgruppe ynskjer å gje eit tilbod til barn og ungdom, danne eit miljø for volleyball og på sikt få fram eit lag som kan delta i seriesystemet. I tillegg ynskjer gruppa å kunne arrangere aktivitet på regionsnivå (seriespel, turnering for ungdom osv).

Fredag 2. desember kjem Geir Eithun, utviklingskonsulent i Idrettskrinsen og spelar for Førde Volleyballklubb, til inspirasjonssamling på Systrond. Han arrangerer volleyballdag for ungdomsskulen på dagtid, og ei volleyballtrening som er open for alle om ettermiddagen. Her vil han mellom anna gi innføring i grunnleggjande teknikk og rørsler, spel og konkurranseøvingar, råd og tips om relevant øvingsteknikk og spele-utvikling, læremetodar og instruksjonsmetode.

Syril volleyballgruppe ynskjer at så mange som mogleg har høve til å vera med denne kvelden. Møt opp i Leikangerhallen fredag 2. desember klokka 17.00 – 19.00!!

Volleyballgruppa.